Sunnudagur, 20 maí 2012
 
 
Þjónusta í boði
Einkakennsla

einkakennslaEf nemandinn þarf á mikilli aðstoð að halda er einkakennsla yfirleitt besti kosturinn. Nemandinn fær alla þá athygli sem hann þarf frá kennaranum án utanaðkomandi truflunar. Kennarar taka yfirleitt á móti nemendum í heimahúsum, í skólum þar sem þeir stunda sjálfir nám eða á skrifstofum sem þeir hafa til afnota. Einnig er hægt að fá kennara í heimahús ef óskað er eftir því.

Ef lítill hópur nemenda á í erfiðleikum með sama fag er leigð kennslustofa í Menntaskólanum við Sund undir kennsluna. Ef fjöldi nemenda í hópnum fer mikið yfir 6 manns er þó mun æskilegra að skipurleggja námskeið fyrir hópinn þar sem farið er yfir valið efni. Oft þarf kennarinn að undirbúa sig umtalsvert fyrir hóptímana og því er gott að hafa samband með smá fyrirvara. Ef nemendur vilja heldur fá kennaran uppí skóla til sín er hægt að koma því í kring.

Hægt er að panta einkakennslu og hópkennslu hérna.
 
Námskeið fyrir foreldra
Boðið er uppá námskeið í stærðfræði og dönsku fyrir foreldra sem hafa áhuga á að aðstoða börnin sín við námið. Á þessum námskeiðum er ryfjað upp efni sem kennt er á seinni árum í grunnskólum og á fyrsta ári í menntaskólum auk þess sem kennarar gefa foreldrum góð ráð varðandi kennslu.

Nánari upplýsingar um þessi námskeið má finna hér.
 
Námskeið fyrir háskólanema
Undir lok hverrar annar eru haldin prófnámskeið fyrir nemendur í Háskóla Íslands. Einnig hafa verið haldin minni námskeið á miðjum önnum ef eftirspurn hefur verið fyrir þeim.
 
Námskeið fyrir menntaskólanema
Boðið er uppá námskeið í stærðfræði og dönsku fyrir nemendur sem eru að hefja nám á menntaskólastigi. Á þessum námskeiðum er farið vel yfir þann grunn sem mikilvægt er að nemendur hafi á fyrsta ári í menntaskóla.

Nánari upplýsingar um þessi námskeið má finna hér.
 
Prófarkalestur
skyrslaÞegar nemendur þurfa að skila stórum ritgerðum, skýrslum eða umsóknum í skóla getur skipt sköpum ef vanur aðili les yfir efnið og kemur með ábendingar um hvernig megi lagfæra orðalag og stafsetningu. Boðið er uppá prófarkalestur á íslensku, ensku, dönsku og frönsku.
 
Prófnámskeið
Í lok hverrar annar eru haldnar prófbúðir í ýmsum greinum og fer þeim námskeiðum ört fjölgandi. Í lok vorannar árið 2010 voru haldin námskeið fyrir nemendur í hjúkrunarfræðideild, sálfræðideild og verkfræðideild Háskóla Íslands og nemendur í verkfræðideild Háskólans í Reykjavík. Til stendur að fjölga þessum námskeiðum á næstu skólaárum ásamt því að stefnt er að því að halda prófbúðir fyrir nemendur í menntaskólum.
 
Þjónusta í boði

Námskeið

namskeid