|
Ákveðið hefur verið að fresta námskeiðum í stærðfræði og dönsku fyrir annars vegar foreldra og hins vegar fyrir nemendur sem eru að hefja nám í menntaskóla fram yfir verslunarmannahelgi.
Námskeiðin munu hefjast 9. og 10. ágúst en upphaflega stóð til að hefja námskeiðin 19. og 20. júlí. |
|
Samstarf við Hraðlestrarskólann |
|
Study.is og Hraðlestrarskólinn hafa nú tekið höndum saman að auðvelda þér námið enn frekar. Hraðlestrarskólinn hefur haldið hraðlestrarnámskeið á Íslandi frá 1978 og býður upp á 6 vikna námskeið, 3 vikna hraðnámskeið og helgarnámskeið í hraðlestri. Þeir eru einnig að bjóða upp á námskeið um hugarkortanotkun við glósurgerð og glósutækni á tölvum í námskeiðinu. Nemendur sem sækja námskeið hjá Study.is fá tilboð inn á námskeið Hraðlestrarskólans en dagskrá námskeiða má sjá á vefsíðu Hraðlestrarskólanns. |
|
Bjóðum Auði Stellu velkomna til starfa |
|
Study.is býður Auði Stellu Þórðardóttur velkomna til starfa. Auður Stella hefur unnið mikið með nemendum á efri árum í grunnskólum og á sínum fyrstu árum í menntaskólum og er án efa reynslumesti kennari sem study.is hefur upp á að bjóða. |
|
Nú hefur verið samið við Mörthu Árnadóttur, aðalleiðbeinanda Plan X. Martha mun halda sérsniðin námskeið fyrir nemendur í markmiða- og árangursstjórnun fyrir study.is. Þessi námskeið eru tilvalin fyrir þá sem vilja ná betri árangri í náminu. |
|
Kynningar hafnar í menntaskólunum |
|
Nú eru kynningar á starfsemi study.is hafnar í menntaskólum höfuðborgarsvæðisins. Í gær, miðvikudaginn 9. september var farið ásamt Svavari Knúti, tónlistarmanni, í Fjölbrautaskólann í Breiðholti. Þar voru haldnir stuttir tónleikar auk þess sem Svavar reitti af sér brandarana við frábærar undirtektir nemenda. Næst verður farið í Flensborgarskólann í Hafnarfirði en stefnan er sett þangað þriðjudaginn 15. september. |
|
|
Í dag, mánudaginn 10. ágúst, var vefsíðan study.is tekin í notkun. Á síðunni má sjá þau námskeið sem boðið er upp á en opnað verður fyrir skráningu um miðjan ágúst. Í framtíðinni er stefnt á að koma upp öflugri stuðningssíðu sem mun standa nemendum til boða án endurgjalds. |
|
|
|
|
<< Fyrsta < Fyrri 1 2 Næsta > Síðasta >>
|
|
JPAGE_CURRENT_OF_TOTAL |
